Santo Papa bibisita sa Iglesia sa Iran?

Iran President Ahmadinejad at Pope Benedict XVI [Source: Maktoob.Yahoo!(Reuters)]

VATICAN CITY - Ipinabatid ng ambasador ng Iran sa Vatican ang imbitasyon ni Iranian President Mahmoud Ahmadinejad sa Santo Papa upang bisitahin ang kanilang bansa.

Ani Ali Akbar Naseri sa mga mamamahayag "If the pope decides to come, we will welcome him in an excellent way, and, as far as the government is concerned, we will welcome him with enthusiasm."

Ang imbitasyon ng Iran ay nakabinbin sa Vatican. Sa kasalukuyan si Papa Benito ay hindi pa tinatanggap ang usapin ng pagdalaw.

Matatandaan na ang Santo Papa ay tahasang kumukondena sa Iran sa pagsabing "buburahin" nila ang Israel sa mapa ng mundo.

Nananawagan din ang Santo Papa na resolbahin ang lumalaking sigalot sa pagitan ng Iran at ng iba pang mga bansang kasapi ng UN.

Ituloy ang pagbabasa rito...

Sabi ni Papa Benito XVI: Dapat matakot sa kasalanan kaysa sa pag-uusig

Si Papa Benito XVI sa paggunita ng kapistahan ng Immaculada Concepcion (Larawan mula sa Italian Tribune)

Dapat ang Iglesia ay matakot sa kasalanang ginagawa ng kanyang mga kaanib higit pa sa takot ng pang-uusig.

Ito ang mga binitiwang mga salita ng Santo Papa kahapon sa paggunita sa kapistahan ng Imaculada Concepcion.

Ayon sa Santo Papa ang pag-uusig sa Iglesia ni Cristo mula pa noong Unang Siglo hanggang sa kasalukuyan ay pinagtagumpayan na ng Santa Iglesia sa mahigit 2,000 taon na ang nakalilipas. Ang pagtatagumpay na ito ay isang pagtatagumpay ng Dios.

Sa kabila ng panawagan ng ilang mga Obispo ng Iglesia ni Cristo na dapat nang dalhin sa international forum ang usapin tungkol sa pag-uusig sa mga Kristiano, mariing sinabi ni Papa Benito XVI na mas nakakasira sa Iglesia ni Cristo ang mga kasalanang ginagawa ng mga kaanib nito.

"The only danger the church can and should fear is the sin of her members," ani Santo Papa Benito XVI.

Ipagpatuloy ang pagbabasa rito...